Amdanom Ni

                        ....Llwyddiannus

                                            ....Unigryw

                               ....Dwyieithog

 Rydym yn fusnes dwyieithog, llwyddiannus ac unigryw, wedi’i leoli ar Ynys Môn.  Sefydlodd Arwel Hughes gwmni MAD ym mis Ionawr, 2000, ac ers hynny mae’r cwmni wedi denu llu o gwsmeriaid ac mae’n mynd o nerth i nerth bob blwyddyn.


Roedd gan Arwel ddiddordeb mawr mewn sain a goleuo ers oedd yn ifanc iawn, a chan ei fod mor frwdfrydig, dysgodd Arwel wneud i’r offer weithio iddo.  Yn raddol trodd ei hobi/obsesiwn yn fusnes cynhyrfus a llewyrchus.  Roedd y teulu cyfan eisoes yn frwdfrydig iawn am drefnu pob math o ddigwyddiadau, o godi arian at achosion da i garnifalau lleol. Drwy sefydlu MAD, gwelodd Arwel gyfle i barhau â’r gwaith hwn, ond ar raddfa fwy o lawer.



Y syniad tu ôl i MAD oedd creu cwmni y gallai pobl ymddiried ynddo, dro ar ôl tro. Yn dilyn ymchwil marchnata manwl, sylweddolodd Arwel nad oedd yr un cwmni arall ym Môn na Gogledd Cymru hyd yn oed yn gallu cyflawni eich holl anghenion sain, goleuo, llwyfannu, trydanol, theatraidd a chynadleddau.


Mae MAD yn rhoi’r cyfle i’w cwsmeriaid gael popeth dan yr un to, o un meicroffon a lamp llwyfan i system lwyfan awyr agored lawn, yn cynnwys holl anghenion trydanol a dogfennau iechyd a diogelwch.


 


Dyma drosolwg o’n gwasanaethau:


•        Systemau Sain cyflawn mawr a bach

•        Systemau Goleuo cyflawn mawr a bach

•        Cymhorthion gweledol a chlywedol, systemau cynadledda a Thechnoleg Gwybodaeth.

•        Gosod offer e.e. ar gyfer clybiau, tafarndai, gwestai, theatrau, ysgolion, colegau a busnesau.


•        Trelar awyr agored a system doeau ar gyfer perfformiadau a chyngherddau awyr agored sy’n barod i fynd i rywle, waeth beth fo’r tywydd.


•        Mae ein siop yn gwerthu pob math o offer newydd sain a goleuo, darnau sbâr a nwyddau traul e.e. hylifau mwg, a stoc gynhwysfawr o lampau a nwyddau theatr.


•        Systemau llwyfannu o uchder a meintiau dec amrywiol.  Mae’r rhain yn ddelfrydol ar gyfer unrhyw leoliad neu ddigwyddiad corfforaethol, ysgolion, cynyrchiadau theatraidd a sioeau ffasiwn.


•        Offer effeithiau arbennig, at ddefnydd theatraidd neu ddisgo yn bennaf. Mae gennym ni’r dechnoleg i ddarparu strobau, pyrotechneg a pheiriannau mwg, a llawer iawn mwy (gormod o lawer i sôn amdanynt yma, edrychwch ar y rhestr gyflawn i gael rhagor o wybodaeth).


 


                    MAD am Gynllunio


                              MAD am ragoraeth

                       MAD am brofiad